Reforma de Hotel 

Reforma integral dun hotel nunha das zonas emblemáticas da cidade de Santiago de Compostela. A reforma consistiu na modernización do interiorismo e no novo deseño dos espazos existentes para adaptalos a unha demanda crecente do sector turístico desta cidade histórica, ademais de adaptar os seus espazos para facelos accesibles a todas as persoas.

Aproveitando esta actuación integral, mellorouse o illamento do edificio cambiando a cuberta e actuando nas fachadas. Ademais, deseñouse unha zona verde común para todos os hóspedes na zona traseira do hotel. Esta zona, con vistas á emblemática Cidade da Cultura.

Así mesmo, melloráronse as instalacións eléctricas, de fontanería e de calefacción. O edificio mellorou considerablemente a súa eficiencia enerxética.

O hotel dispón de 6 habitacións, 2 delas distribuídas en dúplex e unha ampla zona de recepción. Ademais, a xa mencionada zona de descanso axardinada con estupendas vistas á Cidade da Cultura.